Шпинат ше не шме барз обариц и треба го порезац як на резанки, посолїц и охабиц. Окреме поджамиц сир, додац му перше жовчки, а бильчки витрепац окреме на пену. После, жовчкох додац перше шпинат и шметанку, а потим пену з бильчох, поляц шицко з млєком и помишац. Тепшу намасциц з масцу и на дно положиц перше два цеста за питу, попирскац их з розпущену масцу и єдну часц филу розпоредзиц єднак на грубо, вец заш цеста и на нїх фил зоз сира и шпинату и аавершиц зоз цестом на верху. На верх положиц єдно вибране цесто, добре поприцискац з пальцами, намасциц од горе з масцу и печиц у рерни 40 минути (рерну зограц скорей на 250 ступні). Питу не винїмац такой, лем виключиц рерну и най у нєй стої ище дакус, а вец ше винїма, реже на фалати и склада ча тацну.

СЛАНА ПИТА ЗОЗ СИРОМ І
Погребне: 20 дкґ швабского сира, 1 йогурт, 1 вайцо, 1 дл олєю, 1 шолька обичней муки, 1 шолька оштрей муки, 1 пращок за печене и дакус солї.
ПІицко тото ше змиша вєдно, усипе до помасценей тепши. хіече ше дас пол годзини. Кед почервенї верх, теди є готова. Є ше горуце.

СЛАНА ПИТА ЗОЗ СИРОМ II
Потребне: 4 вайца, 1/2 кґ швабского сира, 1,5 дл олєю. 1/2 литри млєка, 18 ложки муки, 2 ложки ґрису, 1 пращок за печене.
Шицко добре вимишац и усипац до помасценей тепши и печиц коло 1 годзину на цихим огню. Же би була ище пикантнєйша, мож до маси нарезац по смаку шунки лєбо оалами. Посолїц по смаку.