КОЛАЧИ

 


Пити и питки

 


ВИШНЬОВА ПИТА
Загнєц цесто з 12 деки масла, 25 деки муки и два деки квасу. Квас потруш перше до пол шольки млєка, умишай єдну ложичку цукру и дакус солі". Добре загнєцене цесто цале розжень и полож до велькей помасценей и помученєй тепши. На тото покладз без маґочкох вишнї досц на густо и зохаб най кишнє док нє поправиш тот фил: мишай 6 жовчки зоз 6 ложками цукру и ферталь литри шметанки, вец додай шнїг зоз 6 бильчкох. Тераз цесто на тепши упеч на поли, а вец го посип зоз тим филом и допеч. Упечене посип з мелким цукром, пореж и нєш на стол.

КРЕМПИТА
Направ цесто як за рейтеш з маком и орехами, лєм го на остатку розжень на таке вельке як два тепши и пополи розреж, полож кажди окреме до двох намасцених и помучених тепшох и печ. Упечени цеста з увагу винь зоз тепшох най ци ше не поламу. Тераз направ таки крем: мишай 8 ложки цукру зоз 5 жовчками. Кед ши добре вимишала, додай 6 ложки муки и помали долївай 1 литру млека, а ровно добре мишай. Тераз