гладке полож на горуци шпоргет и вар док не згушнє, лєм ровно мишай най ци не пригори. Кед уж згусло, сцагнї на край та умишай до того шнїг зоз 5 бшіьчкох, знєй най ше охладзи и зоз тим шицким кремом злїп тоти два цеста. Посип по верху зоз мелким цукром и пореж на коцки.

МАКОВА ПИТА
Загнєсц зоз шметанку ЗО деки муки, 10 деки цукру, 10 деки масла, 1 вайцо и дакус соди бикарбони, а додац сок и скорку зоз пол лимуна. Цесто роздзель на поли. Єдну часц розжень и полож до помасценей и помученей тепши, а на тото гаки фил: праж на масци мак (кельо по твоїм смаку), додай мелкого цукру по волї и залєй то дакус з млєком же би заш лєм остало густе. Охладзеному филу додай потартей скорки з лимуна, а кед сцеш и сухого грозна. Вец то полож на цесто до тепши, з другу часцу прикрий и упеч. Упечене посип з мелким цукром и пореж на коцки.

ОРЕХОВА ПИТА
Розтри 20 деки масци зоз 30 деки муки, вец додай 3 жовчки, додай кзасу 2 деки (перше, го потруш до пол шольки млєка, ложку цукру му додай и дакус солї), та зоз того замиш цесто. Роздзель го вец на поли, першу половку розжень так же би ше змесцело до тепши, лєм нє забудз тепшу пред тим помасциц и помучиц. Тото зохаб най кишнє, а дотля прав фил: мишай 25 деки цукру зоз 6 жовчками, а кед ши уж добре кимишала, додай 20 деки зомлєти орехи, 10 деки умитого и поуцераного грозна, натартей лимуновей скорки и шнїг з 9 бильчкох. Бильчки Ци остало 3 од цеста и 6 од филу. Тот фил иолож до тепши на цесто, вец го прикрий з другу розогнату .половку цеста цо ци остала. Полож печиц, а упечене пореж на мали коцки.

ОРЕХОВА ПИТА ТУНЬША
Направ цесто як и за макову питу и филуй зоз филом, котри так пририхтай: змишай зомлєти орехи по волї, мелкого цукру и шнїг з бильчкох кельо сцеш, сухого грозна и натартей лимуновей скорки, печ и пореж як макову питу.