ЧОКОЛАДОВА ПИТА
Пририхтай цесто так як за макову питу, а вец филуй зоз тим филом: мишай 4 жовчки зоз 6 ложками цукру и 4 штанґлами змегчаней чоколади, а покус долївай ферталь литри млєка. Кед ши то добре розмишала, полож на шпоргет най те густо увари, але най нє пригори. Готове знєй, охладз и додай шнїг зоз 4 бильчкох, помишай, висип на цесто у тепши, прикрий з другу половку цеста и печ. Упечене потреш з мелким цукром и пореж на коцки.

ШАУМПИТА
Цесто за шаумпиту порихтаме и упечеме як и за кремпиту, але филуєме з иншаким филом (опать: фил за шаумпиту). Фил кладземе на грубо помедзи цеста, а на верхнє цесто посипеме мелкого цукру помишаного з ванилийовим цукром и режеме на коцки.

ЯБЛУКОВА ПИТА
Направ цесто зоз 28 деки муки, 21 деки масла, 10 деки иукру, 2 жовчкох, 3 ложки шметанки и соку з пол лимуна и охаб най єдну годзину одпочива. Потим роздзель цесто на два часци, а першу часц розжень и полож до намасценей и помученей тепши. У тепши посип цесто з отрушинами, так и з яблуками, цо ши их на тарлє очисцени потарла, з мелким цукром, циметом, грозном и дакус зоз зомлєтима орехами. Тераз то прикрий з другу часцу цеста, поджоб од верху зоз видлїчку, посип по ценко зоз зомлєтима орехами и упеч. Упечене пореж на коцки.

ВИШНЬОВА ПИТКА
Тельо цукру кельо чежки б вайца, тельо и муки, а дакус менєй масци. Добре витреп 7 бильчки, та до нїх додай горе гпомнути цукер. Мишай далєй, а кед є добре вимишане, додавай єцен по єден 7 жовчки. Мишай далєй, а вец додай покус епомнуту масц и мишай, а на остатку додай спомнуту муку и дакус лимуновей скорки. Усип до помасценей тепши и печ. Кед ше дакус упекло, покладз на верх на густо з дунца вишнТ и допеч. Посип з мелким цукром и пореж на коцки.