ДОБОШ ПИТКА
Цесто и фил направиц як и за какао питку. Цесто вец печеме на три часци на верху помасценей тепши (горе з дном). Кед ше єдно цесто упече, такой го премасциме зоз филом же би одмекло. Вец так и друге цесто. Цеста ше так полїпка, а на треце цесто можеме масциц фил, а можеме и положиц ґлазуру: 2 ребра чоколади, 2 ложки цукру зоз 4 ложками води увариц док не загушнє. Вец додац 5 деки масла або 3 деки масци. Добре розмишац и премасциц цесто. Реже ше на коцки.

КАКАО ПИТКА
Добре вимишац 35 деки цукру, 10 деки масци и 1 цале вайцо, помали додавац 45 деки муки, 1 пращок за печене, 1 малу ложичку соди бикарбони, 2 ложки какава розмочени у дакус млєка, а вец додац ще дас 2 деци млєка же би ше цесто могло добре змишац. Шицко усипац на помащену тепшу. На добрим огню печиц, вец посипац верх з мелким цукром и порезац на коцки.

ЛИМУНОВА ПИТКА І
Направиц цесто з 2 вайцох, пол кили муки, 20 декох цукру, 15 декох масци, 1 ванилийового пращку, 1 ложички соди бикарбони, з 1 лимуна соку и потартей скорки. Цесто подзелїц на
2 часци. Першу часц упечиц на єдней тепши, а другу подзелїц на двох помасцених тепшох и печиц. Грубше цесто на дробно потрушиц, та будзе до филу.
Фил: 3 ложки маджуну, 10 деки цукру, з 1 лимуна скорку и сок, 2 ребра потартей чоколади и потрушене цесто. Загнєцеме
3 млєком або з даяким соком з дунца. Помасциц зоз тим филом єдно цесто, на верх положиц друге цесто, а од горе преляц чоколадову лєбо какаову ґлазуру. Резац на мали коцки.
До филу мож положиц и дакус руму.

ЛИМУНОВА ПИТКА II
Цесто направиц так: загнєсц 20 деки цукру, 10 деки масци, З жовчки, 1 децу млєка, 1 ложичку соди бикарбони, зоз пол лимуна сок и скорку, муки кельо приме, так же би ше могло розогнац. Подзелїц на 2 часци и печиц у помасценей тепши.