бони и 3 інольки муки. Роздзелїц на 2 часци. Першу часц розогнац и положиц на тепшу, вец помасциц з маджуном. До другей часци ше замиша 1 ребро натартей чоколади, розжене ше и положи поверх першей часци, поверх маджуну до намасценей тепши и пече ше.
Док ше пече, витрепеме 4 бильчки з 18 дкґ цукру у гарчичку хтори стої у судзини з горуцу воду. Кед колач упечени, тото ше прелєє по верху и положи ше до пеца лем на пар минути же би верх затварднул. Порезац на коцки.

ПИТКА ЗОЗ СИРОМ
Цесто исте як и за яблукову питу. Фил: пол кили сира, 40 деки уварени потарти кромплї, 20 деки ванилийового цукру, зоз пол лимуна сок и натарту скурку, 1 жовчок и з 2 бильчкох тварду пену умишац. Филує ше медзи два цеста. Верх цеста поштухац з видлїчку, упечиц, посипац з мелким цукром и резац на коцки.

САЛАКАРОВА ПИТКА
Витрепац 2 жовчки, ложку масци, дакус цукру и солї и 1 деку салакари (жимного квасу), додац ЗО деки муки и тельо млєка же би ше загнєтло цесто хторе мож розогнац. Розогнац го на 3 часци и печиц у намасценей тепши.
Фил: шольку млєка и шольку цукру вариц и додац млєку розтрепани 4 ложки муки, зоз пол лимуна скорки и соком, дакус какава и пол ферталя кили масла. Зоз тим филом злїпковац цеста, та резац на коцки.

СКЛАДАНА ПИТКА
З млєком лєбо зоз шметанку загнєсц 42 деки муки, 10 деки масци, 12 деки цукру, 1 цале вайцо и дакус соди бикарбони. На 4 часци подзелїц и на помасценим верху тепши горе з дном печиц.
Фил: Ферталь кили цукру попражиц на червено и заляц зоз пол литри млєка до хторого зме пред тим замишали 4 ложки муки. На огню дотля вариц и нєпреривно мишац док не