ЛИНДЗЕР ШТАНҐЛИ
Добре вимишай 25 деки масла (лєбо 17 деки масци) зоз 6 жовчками. Перше вимишай добре масло, а вец додай єден по єден жовчок. Додай 32 деки муки, 2 деки квасу (квас перше потруш у пол шольки млєка, додай ложку цукру и дакус солї) и тото вєдно добре вигнєц. Цесто на три часци роздзель.
Фил: помишай 25 деки зомлєти орехи и 20 деки цукру. Єдну часц цеста розжень як тепша, по лож до помасценей и помученей тепши, намасц го зоз филом (лем половку), вец розжень другу часц цеста и полож на фил до тей тепши и заш намасц з маджуном и посип зоз филом як и пред тим, та прилож зоз трецу часцу цеста. Верх помасц з бильчком и посип зоз зомлєтима орехами. Випеч и пореж на штанґли.

МЛЄЧНИ ШТАНҐЛИ
Вар у єдней литри млєка 40 деки цукру и єдну ванилию док нє загушнє як густи мед (кед стреднє вре, та ше ма вариц дас годзину). Вец додай 20 деки зомлєти орехи и 10 деки пошеканого грозна. Такой знєй з огня и филуй 4 вощини (облатни). Прицишнї з дачим чежким, зохаб най ше охладзи, а вец пореж на штанґли.

ОРЕХОВО ШТАНҐЛИ
Направиме цесто зоз шольки цукру, шольки масци, 2 бильчкох витрепаних на шнїг (так же половку бильчкох положиме до цеста, а другу по ловку и далєй трепеме на твардо). До цеста добре загнєсц дас 10 деки шекани або тлучени орехи. Зоз цеста направиме длуговасту рольку, а вец ю зоз пальцом поприцискаме же би була кляпчиста, широка дас 5 цм. Помасциме ю зоз преостатим бильчковим шнїгом и режеме сирове цесто на штанґли (дас на палєц широки). Нож вше помачаме до муки же би ше крашнє резало. Положиме до тепши и дакус упечеме.

ПРАЖЕНИ ШТАНҐЛИ
Направ цесто зоз 14 деки масла, 7 деки цукру, 20 деки муки, 2 жовчкох и дакус натартей лимуновей скорки. Цесто