ШТАНҐЛОЧКИ ЗА ПИВО
Розмишац 16 деки муки з 8 дкґ масла, та тото загнесц зоз 6 ложками млєка и 1 деку квасу. Зоз того цеста ше прави штанґлочки, премасци ше их з розтрепаним вайцом, посипе з рашку, посолї, та ше их пече у рерни на моцним огню.


Колачи


БОКЕЛЬСКИ КОЛАЧ
Потребне: 1 шолька ґрису, 7 ложки олєю, 1 шолька млєка, 1 шолька пошекани орехи, 1 шолька цукру, 1 шолька потарти яблука, 1 вайцо, 2 штанґли чоколади, 1/2 пращка за печене (мож и цали).
Перше ше ґрис прелєє з млєком и най стої дас пол годзини док ґрис не упиє млеко. Вец додавац олєй, цукер, орехи, вайцо, яблука, потарту чоколаду и пращок. Усипац масу до иомасценей и помученей тепши, дакус на грубше (дас на два пальци) и печиц пол годзини.
Фил: 1/2 пакла марґарину, 2 вайца, 1 шольку орехи (зомлєти), 1 шольку цукру, дакус руму и ванилийов цукер. Кед те колач охладзи, пофиловац.

ВЛАДИЧЕСКИ КОЛАЧ
Мишай 28 деки цукру и 6 жовчки. Кед є добре вимишане, додай 14 деки пошекани мандулї, 14 деки умитого сухого грозна, 28 деки муки и шнїг зоз 6 бильчкох. Упеч при стреднїм огню. Пореж на ценки фалатки пред самим ношеньом на стол, а не напредок.

ВИШНЬОВ КОЛАЧ
Мишай 21 деку масла, 21 деку цукру, додай б жовчки еден по єден и єдну штанґлу змегчаней чоколади. Кед ши