добре вимишала, додай 21 деку зомлети мандулї лєбо орехи, 10 деки муки и шнїг зоз 6 бильчкох. Розмишай и висип до номасценей и помученей тепши, а по верху покладз досц на густо швижи лєбо з дунца вишні и печ. Упечене пореж на коцки.

ГНЄЦЕНИ КОЛАЧИ (ПОКЕРАЇ)
Загнєц цесто зоз пол кили цукру, пол кили масла, 6 жовчкох, 2 бильчкох, натартей скорки з єдного лимуна и муки, кельо цесто поднєше же биш го могла розогнац. Добре вєдно вигнец, розжень на ценко, прав зоз фурмами колачики, мачай их до бильчка и до пишеканих и з цукром помишаних орехох, кладз их на помасцену и помучену тепшу и печ.

ГНЄЦЕНИ КОЛАЧИ НА ДРУГИ СПОСОБ
Загнєц цесто зоз 15 деки цукру, 45 деки муки, 3 вайцох, 15 деки масла, 15 деки масци и натартей скорки з лимуна, згнєц, розжень и прав з фурмами колачики як и тоти пред тима.

ДАМСКИ КОЛАЧИ
Мишай 14 деки масла и додай 4 жовчки єден по єден, вец 28 деки муки, натартей лимуновей скорки, дакус солї и 2 деки квасу (а квас перше потруш до шольки млєка и додай му ложку цукру). Замиш и добре вигнєц цесто. Тепшу намасц, помуч и полож до нєй розогнате цесто. Так у тепши най кишне пол годзини, а вец го полож упечиц. Печене намасц зоз кайсовим маджуном (други ше розводнї). Тераз направ шнїг зоз 4 бильчкох, додай им 21 деку мелкого цукру, посип по гевтим колачу у тепши и полож до рерни най ше осуши. Пореж як ци ше люби, гоч на коцки гоч на штанґли. Є ше цепле.

ЖИМСКИ КОЛАЧ
Замиш цесто зоз 14 деки масла, 7 деки цукру, 18 деки муки и натартей лимуновей скорки. Розжень, най будзе дас