як палєц грубе, вец вйштухай з малу округлу фурму. Полойку з тих колачикох упеч таки яки су, а з другей половки колачикох каждому з наперстком виштухнї стредок, най випатра як венчик. Кажди венчик замачай перше до розбитого вайца, а вец до пошеканих орехох, цо су поцукровани и печ их на тепши як и гевти. Упечени перши колачи намасц з маджуііом и на кажди прилїп єден венчик.

КАКАО КОЛАЧИ
Мишай 10 деки масла и 24 деки цукру, а вец додай 2 жовчки єден по єден и мишай далєй. Кед є готове, додай 25 деки муки, 4 деки какава, а у ферталь литри млєка розлущ йол мещка Еткерового пращку и ул'івай, а мишай. Розмишаному додай шнїг з 2 бильчкох, заш помишай и улєй до помасценей и помученей тепши, печ, а упечене пореж на коцки.

КНЯЗОВО КОЛАЧИ
Одмерай тельо муки кельо 5 вайца чежки. Так ието и масла тельо одмерай, а и цукру. Масло мишай зоз цукром и додавай єден по єден жовчок док пишки 5 не умишаш, а вец натри скорки з лимуна и ище додай 2 штанґли чоколади. Кед ши добре то вимишала, усип шицку одмерану муку и шнїг зоз 5 бильчкох. Помишай, улєй до помасценей и помученей тепши и печ. Упечене пореж на коцки, лєбо вйштухай з округЛУ Фурму мешачки.

МЕДОВО КОЛАЧИ І
Превар ферталь кили меду з масцу (масци 15 деки). Одмерай до миски ЗО деки муки, та кед зовре масни мед, попар з нїм тоту муку и з вареху так мишай же биш цесто добре виробела. Вец додавай 7 жовчки єден по єден и ровно мишай — вироб добре. Потим додай ложку руму, ложку мелкого цимету, дас 4—6 потлучени пахняци гвоздзики, натартей лимуновей скорки, 1 ложичку соди бикарбони, 15 деки на грубо пошекани орехи и шнїг зоз 7 бильчкох. Розмишай, висип до помасценей и помученей тепши и печ 1 годзину при цихим огню. Упечене винь и реж аж теди кед ци треба ношиц на стол — на ценки фалатки.