МЕДОВО КОЛАЧИ II
Мишай 8 деки масла и додай 4 вайца єдно по єдно (и бильчок и жовчок вєдно), вец додай пол литри меду, 1 малу ложичку соди бикарбони, 1 ложку цимету, 4—6 потлучени гвоздзики и литру хлєбовей муки. Тато вєдно мишай пол годзини, а вец усип до помасценеи и помученей тепши. Верх му помасц з вайцом и посип зоз цалима стручами орехох лєбо зоз мандулями або з лїсковцами. Печ при цихим огню, а упечени реж на ценко аж пред ношеньом на стол.

МЕДОВО КОЛАЧИ III
Загнєц цесто зоз 35 деки муки, 10 деки масла, 14 деки цукру, 15 деки меду, 1 ложичку соди бикарбони, ложичку цимету, 3—4 потлучени пахняци гвоздзики и 2 вайцох. Зоз того цеста прав пусли на помученей тепши и печ.

МЕДОВО КОЛАЧИ IV
Загнєц цесто зоз ЗО деки цукру, 10 деки меду, 3 цалих вайцох, 1 ложички соди бикарбони, натартей скорки з лимуну (место лимуновей скорки можеш положиц дакус цимету) и муки кельо поднєше цесто же би го мож було розогнац. Розжень цесто, прав колачи зоз фурмами, кажди помасц з вайцом, а на верх му полож очисцени лїсковец лєбо ядро ореха. У помученей тепши печ.

МРАМОРОВИ КОЛАЧ
Мишай 12 деки масла зоз 20 деки цукру, вец додай З жовчки єден по єден. Кед ши добре розмишала, додай пол мещка Еткерового пращку, котри ши пред тим розмочела у 6 ложкох млєка, а и ферталь кили муки и шнїг зоз 3 бильчкох. Добре розмишай и роздзель на поли. До єдней половки иолож 2 штанґли змегчаней чоколади, а друга половка най останє била. До помасценеи и помученей тепши кладз раз билого, а раз зоз чоколадового з ложку. Печ при стреднїм огню 1 годзину, а упечене и охладзене пореж на коцки.