не постане густе (сируп) як розпущени мед, додай вец 14 деки зомлєти мандулї, лєбо тельо лїсковци або орехи, крем того ище 2 змегчани штанґли чоколади, мишай и знєй най ше охладзи. Охладзеному филу додай 2 штампли руму и даскельо капки лимунового соку. Пред тим як филуєш упечени цеста, помасц зоз кайсовим маджуном нукашнї боки обидвох, а аж вец их злїп зоз филом. Пореж на коцки и кажду помасц зоз чоколадову ґлазуру.

КОКОСОВО ПУСЛОЧКИ
Потребне: 4 бильчки, 20 дкґ цукру, 5 дкґ кокосовей муки.
Поступок: 3 бильчкох витрепеме шнїг ґу котрому додаі;аме по ложки цукер, примишаме кокосову муку и масу зоз судзини положиме до водовей купелі же би ше зограла ц нєпреривно мишаме. З маси правиме з ложичку мали пуслочки котри кладземе до помасценей тепши и благо цеплей рерни. Печеме дас 15 минути. Зоз тепши их винїмаме аж кед ше охладза.

КРЕМОВО БУХТИ
Потребне: 10 ложки води, 10 дкґ масла або марґарину, 10 .ложки муки, 10 вайца, пол ложки цукру и дакус солї.
Поступок: Воду ше поцукрує и посолї у одвитуюцей судзини и положи на огень. Кед почне вода врец, положи ше до кєй марґарин най ше розпуши. Судзину ше знее з огня и до іюди ше додава єдна по єдна ложка муки и нєпреривно ше ю миша. Потим ше судзину знова положи на огень най дакус загушнє. Знова ше ю знєє з огня и до тей маси ше додава єдно по єдно вайцо и при тим ше масу нєпреривно миша же би була виєдначена.
Пририхтану тепшу помасциц и посипац з муку. До такей тепши ше пририхтана маса кладзе з ложку або зоз фурчу, як пусли, меркуюци же би медзи бухточками було досц места, бо вони при печеню барз нарошню. Пече ше их у розогратей рерни док нє нарошню и не почервенєю.
Кед ше бухти дакус охладза, пререзує ше их по горизонтали и полнї ше их зоз филом, котри ше пририхта исто як и фил за кремшггу. Филовани бухти ше склада до судзини и кажду ше посипе з мелким цукром.