ЛИНЦЕР З ВАРЕНИХ ВАЙЦОХ
Загнєсц 6 твар до уварени и на шитку потарти жовчки, 1 цале сирове вайцо, 20 деки масци, 25 деки цукру, пол кили муки и потарту скорку з 1 лимуна. Розогнац и зоз фурмочку виштухац. Вец помасциц з бильчком и посипац зоз цукром та печиц.

ЛИНЦЕР З ВАРЕНИХ КРОМПЛЬОХ
На лупу увариме 20 деки кромплї, очисциме, поджамиме их, та их вимишаме з 20 дкґ цукру, 20 дкґ масци, 1 жовчком, дакус ванилийового цукру и 1 пращком за печене. Тото загнєцеме зоз пол кили муки. Розогнац на ценко и зоз поґачову фурму виштухнуц так же би на каждим другим фалатку була и на штредку менша дзирка виштухнута. Упечиц на било у помасценей тепши и лїпиц: цали фалаток помасциме з добрим маджуном, а виштухнути фалаток прилїпиме на верх. Посипеме з ванилийовим цукром.

ЛЕПИНЇ ЗОЗ КАКАВА
Мишай 5 деки масла лєбо 4 деки масци, 25 деки цукру, 1 вайцо, у 2 деци млєка розмити 5 деки какава. Кед тото шицко добре розмишаш, додай дакус соди бикарбони и 25 деки муки. Розмишай и полож до помасценей тепши, упеч, а упечене пореж на длуговасти и на два пальци широки фалатки.

ЛЇСКОВЦОВО ПОДКОВКИ
Потребне: ЗО дкґ лїсковци, 20 дкґ млєтого цукру, Я бильчки.
Поступок: 18 дкґ лїсковци подавиме з розвалку або на грубше пошекаме, а 12 дкґ лїсковци помелєме на машинки. Бильчки зоз цукром витрепеме на пуслочку и до нєй замишаме помлєти орехи. З малу ложичку масу кладземе на пошекани лїсковци, направиме менши шульканєц и зогнеме го на подковку. Подковки кладземе до помасценей тепши и печеме у благо цеплей рерни на червенкаво. Зоз тепши их вибераме аж кед ше дакус охладза.