латок помаец зоз цукровим бильчком (до бильчка усип 10 деки мелкого цукру и мишай док ци нє будзе густе як за пусли) и по лож до рерни най ше осуши. Тераз, гоч ши их мачала до ванилийового цукру а гоч ши их масцела зоз цукровим бильчком, кед су готови, лїпкай их два и два вєдно, з маджуном масц тот бон дзе нєт бильчка.

НУҐАТ ШТАНҐЛИ
Годзину мишай пол кили цукру, 7 швижи бильчки, 1 лошку меду и єдну ванилию. Полож го вец на шпоргет и там го мишай на стреднїм огню. Додай 100 ґ очисцени орехи и вар их дакус вєдно. Кед уж одстава од шерпенї, висип на єдну вощину (облатну), прикрий з другу, а з розвалку поровнай, а вировнане прицишнї з дачим чежким. Охладзене пореж на штанґли.

ОРЕХОВО ЛАБДОЧКИ
Потребне: 25 дкґ цукру, 25 дкґ ореха, 25 дкґ сухого грозла, 2 реберна чоколади, 1 дкґ какава, 2 ложки руму, 2 бильчки.
Поступок: У судзини витрепеме затугнути шнїг з бильчкох, досипеме цукер у праху по ложкох и добре ище дакус трепеме. Додаме рум, помлєти орехи, умите сухе грозно, млєту чоколаду и какао. ІІІицко добре помишаме и правиме мали лабдочки котри покотуляме у криштальовим цукру, осушиме на цеплим и кед су сухи, кладземе до малих паперових мисочкох.

ОРЕХОВО ШЛЇМАКИ
Потребне: 30 дкґ масла або 25 дкґ масци (садла), 50 дкґ муки, 5 дкґ квасу, 6 ложки млєка, дакус солї.
Полнєнє: 4 бильчки, 20 дкґ ореха, 20 дкґ цукру.
Поступок: масло з муку розмишаме, додаме соль и замишиме з млєком у котрим зме розпущели квас. Зоз цеста направиме два лабдочки и розженєме на ценко по длужини. Вец их премасциме з полнєньом, скруциме и з оштрим ножом нарежеме 2 центи груби фалатки котри положиме до помасценей тепши киснуц дас пол годзини. Печеме их нє нагло, а упечени покотуляме у цукровим праху.