ПЕРИНОЧКИ
Загнєце ше цесто з 25 декох масла (лєбо 20 декох масци), З жовчкох, 1 цалого вайца, пол кили муки, 3 ложкох шметанки и дакус пращку за печене. Кед є добре загнєцене, з розвалку ше го розжене на грубину коло 2 милиметри. З нього ше режу квадратни вельки коло 5 цм. Вец ше до штред цесточка кладзе тот фил:
Витрепац на пуслу 2 бильчки и 20 деки цукру, та до пусли положиц млєти орехи (по дзеки) лєбо сухого грозна.
Кед кифли накладзени, цесточка ше закладаю яґод перинка. Печиц у иомасценей тепши на блядо жовто, а упечени посипац з мелким цукром.

ПОМАРАНЧЕЦОВО ВЕНЧИКИ
Потребне: 40 дкґ муки, 20 дкґ масла, 20 дкґ цукру у праху, 2 помаранчата, 2 жовчки, маджуну.
Поступок: Муку з маслом розмишаме, додаме цукер, жовчки, потарту скорку и сок з помаранчатох вєдно змишаме, вимишиме, розженєме и зоз фурмочку викраваме венчики котри печеме на черевнкаво. Охладзени масциме з маджуном и злїпкуєме.

ПТИЦОВО ГНЇЗДО
Загнєсц цесто зоз 6 деки масла лєбо тельо масци, 2 жовчкох, 1 бильчка, дакус солї, 5 ложки цукру, ЗО деки муки и 2 деки квасу, котри потруш до 2 деци млєка, а додані му ложку цукру. Виробене цесто зохаб єдну годзину най кишне, а яец го розжень на табли на ценко як мали палєц, помасц го зоз 7 деки масла, а по маслу посип 7 деки пошекани орехи лєбо мандулї, 7 деки пошеканого грозна и дакус цимету. Тераз го помали скруц (як обично на квасу колачи) и пореж на фалатки широки як 2 пальци. Кладз до помасценей тепши так же би резани бок пришол горе и зохаб го ферталь годзиии най кишнє. Скиснуте помасц кажди фалаток зоз вайцом, посип зоз цукром (криштальом) и упеч.

ПУНЧ КУЛЬКИ
Потребне: 6 вайца, 18 дкґ цукру, 12 дкґ муки, 10 дкґ млєти орехи, 10 дкґ сухого грозна, 5 реберка чоколади, 1 дл руму, малинови екстракт, сок з 1 помаранчеца.