„САРНЬОВ ХРИБЕТ"
Мишай 21 деку цукру, 12 жовчки. Вимишаному додай лимуновей натартей скорки, дакус потлученого гвоздзику, мелкого цимету, 7 деки змегчаней чоколади, 28 деки зомлєти мандулї и лєм зоз 8 бильчкох шнїг, помишай и висип до узкей баш за тоту роботу тепши, котру перше помасц и помуч. Печ, а з иглїцу патри чи упечене. Кед уж готове винєш, полож на длуговасту миску, помасц зоз чоколадову ґлазуру и так нош на стол (як и торту).

СТРЕХАВКИ
Увар на твардо 4 вайца. Жовчки претри през шитко. Гу жовчком додай 14 деки очисцесни и зомлєти мандулї, 14 деки мелкого цукру. То вєдно добре загнєц и кладз до колачовей шприцли та прав на помученей тепши громадки (пусли) лєбо венчики.

ФИҐАРО КОЦКИ
Перше вимишац 8 жовчки и 15 дкґ мелкого цукру. Окреме пражиц 35 дкґ цукру и, кед є готови, додац помали 1 марґарин. На концу додац вимишани жовчки и вариц дас 5 минути, а вецка додац 20 дкґ пошекани орехи, 20 зомлєти кекси и шицко пофиловац помедзи два облатни.

ЦИГАНСКИ ОДРЕЗКИ
Потребне: 1 шолька розпущеней масци, 1 шолька шметанки, 4 вайца, дакус солї, 3 дкґ квасу, 1 дл млєка, скорка з лимуна, мука спрам потреби.
Поступок: До зогратей муки положиме масц, шметанку, З вайца, 1 жовчок, соль, у млєку розпущени квас, потарту лимунову скорку и шицко розмишаме. Вец з руку вимишаме на гладко цесто и охабиме го одпочинуц на хладним месце дас ферталь годзини. Одпочинуте цесто розженєме по длужини и посипеме зоз 25 дкґ криштальового цукру. Позакладаме цесто перше з лівого потим з правого боку, од горе и од долу, и йнова розженєме по длужини на 1 цм грубини. Так порихтан© цесто порежеме на длугши пантлїчки и кажду пантлїчку прекруциме два раз, помасциме з витрепаним бильчком, посипеме з цукром, шеканима орехами и упечеме.