ЧОКОЛАДОВО БОМБОЧКИ
Потребне: 20 дкґ цукру, 16 дкґ чоколади, 8 ложки води, 32 деки щикани кикирики, 4 ложички руму.
Поступок: Цукер з воду положиме превариц, додаме потарту чоколаду, млєти кикирики (або орехи), рум. Шицко добре розмишаме и правиме мали бомбочки. Бомбочки оваляме у криштальовим цукру або у потартей чоколади, охабиме най ше осуши, осушени кладземе до паперових мисочкох.

ЧОКОЛАДОВО КОЦКИ І
Вимишай 25 деки масла и 25 деки цукру, а тому вимишаному додай 5 жовчки єден по єден и заш мишай. Кед ши добре вимишала, додай 1 мещок ванилия цукру, лєбо место того натартей скорки з лимуна, штамплу (погарик) руму, 13 деки на грубо пошекани мандулї лєбо лїсковци, 4 ложки муки, 4 змегчани штанґли чоколади и на остатку шнїг зоз 5 бильчкох. Добре розмишай и усип до помасценей и помученей тепши. Уважно печ, а упечене цесто розреж на поли, помасц зоз кайсовим маджуном, злїп и пореж на коцки. Коцки помасц зоз чоколадову ґлазуру.

ЧОКОЛАДОВО КОЦКИ II
Мишай 14 деки масла, 14 деки змегчаней чоколади, 14 деки цукру и 6 жовчки єден по єден. Вимишаному додай 14 деки зомлєти мандулї и 4 деки муки и шнїг зоз 6 бильчкох. Розмишай и усип до помасценей и помученей тепши. Печ при стреднїм огню дас три ферталї годзини. Упечене помасц зоз чоколадову ґлазуру и пореж на коцки. (Глазуру патри при тортох).

ЧОКОЛАДОВО КУЛЬКИ
Натри 14 деки чоколади, на дробно пошекай 14 деки мандулї, змишай и додай 10 деки криштальового цукру, 1 бильчок и дакус руму. Згнєц цесто и прав кульки дас як орехи, пообрацай их у натартей чоколади и осуш их (най стоя два днї на воздуху).