ЧОКОЛАДОВО МЕШАЧКИ
Мишай 12 деки масла и 12 деки цукру. Розмишаному додай 12 деки змегчаней чоколади и З вайца єдно по єдно, заш 5.*ишай. Додай вец тому 12 деки муки и тото помишай и улєй до помасценей и помученєй тепши, печ при цихим огню, а упечене полєй з румову ґлазуру. Накадзи ше ґлазура осушела, виштухай зоз округлу фурму мешачки.

ШАУМР0ЛНА
Порихтаме цесто як и за кремпиту, та го так розженєме. З такого цеста режеме пантлїки широки 2 см и круциме их (дакус зукосом же би на длугше вишли) на 12 см длугоки кукуричанки (лєбо за тото справени плехи), пред тим добре іюумивани и посцерани. Покладземе на тепшу и печеме. Кед наполи упечене, винєме тепшу и помали сцагуеме цеста зоз кукуричанкох. Цеста знова кладземе до тепши най ше и зоднука упечу. Так ше пече даяки час, а вец их полнїме зоз филом як и за шампиту. По верху их посипеме з мелким цукром и ваниловим цукром.

ШЛЇМАКИ
Потребне: 3/4 кґ муки, 5 дкґ квасу, 1 ложку цукру, 4—6 жовчки и дакус солї, дакус масци и млєко.
Полненє: 12 дкґ масла або 10 дкґ масци. 12 дкґ цукру витрепац на пену.
Поступок: До зогратей муки положиме цукер, соль, у дакус млєка розмишаме жовчки, квас и масц. Шицко змишаме з млєком на рейтешово цесто и роздзелїме на два часци. Кажду часц розженєме на 0,5 цм грубини по длужини и помасциме з половку полнєня. Вец их скруциме на 3 см груби фалатки котри поукладаме до тепши и охабиме киснуц 1 годзину. Печеме у добре зогратей рерни. Кед шлїмаки скоро упечени, залєєме их з ванилийовим млєком до котрого можеме додац руму. Вец их запечеме. Упечени посипеме з мелким цукром.

ШУГАЙДИ
Потребне: 2 дл млєка, 1/4 кґ цукру, 2 ложки какава, 12,5 дкґ масла щикани вишнї з руму, 1 паклочко ванилийового цукру, мали паперово мисочки.