РОЛАТ ОРЕХОВ
Мишай 6 жовчки и 14 деки цукру. За тим додай 14 деки зомлєти орехи, 7 деки муки и шнїг зоз 6 бильчкох. Премишай, усип до намасценей и помученей тепши, печ, а упечене намасц зоз тим филом: 20 деки зомлєти орехи увар у тельо млєка же би остало заш досц густе, по смаку полож цукру, зней з огня, полож 2 ложки руму и розмишай. Зоз тим филом намасценє цесто скруц як рейтеш и реж аж теди кед ци треба ношиц на стол — на таки фалатки ценки як палєц.

 


Рейтеши и рейтещики


РЕЙТЕШИ
На пол кили муки єдно цале вайцо и кус солї, треба дас шольку серватки, або води же би ше загнєтло до гладкого цеста. Таке добре виробене цесто муши кус постац на двох громадкох же би ше могло добре розцагнуц на партку. Розцагнутому цесту ше поотрагую окрайки и цесто ше филує зоз сиром розправеним з вайцом и цукром, з потарту бундаву, поцукрованим зомлєтим маком, хлєбичком, сладку капусту, яблуками, вишнями, сухим грозном, чернїцами.. . Таки филовани рейтеши ше скруци так же ше єден бок загнє, а вец з помоцу партка скруци и покладзе на тепшу у котрей псе пече на досц високей температури. Печени рейтеши мож посипац з мелким цукром и резац дас на 10—15 см длужини.

РЕЙТЕШИ З МАКОМ И ОРЕХАМИ
Одмерай ЗО деки масла лєбо садловей масци и 60 деки муки. Муку роздзель на три єднаки часци. Єдну часц розтри з маслом, а з других двох часцох загнец цесто з трома жовчками, дакус солї, 2 деки квасу розмоченого у пол шольки млєка и ложки цукру. Цесто розжень, помасц з маслову муку, цо ши первей розтарла и складай так: заруц перше од себе вец процивни бок ґу себе, потим з правого боку на лїво до стредку, а на концу з лівого боку на прави и з нїм прикрий шицко. Так