ДОБОШ ТОРТА
Витреп на твардо 8 бильчки зоз 8 верхом ложками мелкого цукру; додай дакус соди бикарбони и єден по єден 8 жовчки, а на остатку 8 ложки муки. Печиц на верху ¦— горе з дном — тортовей фурми хтору добре помасциме и з муку посипеме. Пече ше на вецей заводи, вше покус, кельо раз видзе (часто и 10—12 раз). Добре то робиц на вецей фурмох, та док ше єдно пече, друге ше готує.
Фил: 25 деки цукру добре вимишаме зоз 3 цалима вайцами, 3 ребрами потартей чоколади и на остатку домишаме ферталь кили масла. (То сирови фил, а кед сцеме варени, теди вимишаме цукер з вайцами и чоколаду, превариме, знєєме з огня и умишаме масло.)
Єдно по єдно цесто масциме зоз филом и кладземе єдно на друге, шором, док шицки нє буду полїпкани. Остатнє охабиме чисте, та го прелєєме зоз тоту ґлазуру: 15 деки цукру розпущиме у шерпенки най будзе жовти и прелєєме на верх торти, розмасциме и з горуцим ножом цукер позарезуєме на пречнїки – вше крижом – на 14—16 часци. Може верх и поцифровац.

ЗЕБРА ТОРТА
До шнїгу зоз 6 бильчкох полож натартей скорки и сок зоз пол лимуна, 15 деки зомлєти орехи лєбо мандулї, 15 деки цукру и 6 жовчки. Добре розмишай и подзель на два часци. До єдней часци замишай 1 и пол штанґли змегчаней чоколади. Помасц и помуч фурму и кладз до нєй з ложку раз з єдного цеста, а раз з другого доґод нє покладзеш шицко. Прелєй тор ту з румову ґлазуру.

КАКАО ТОРТА
Витрепац 7 жовчки зоз 7 ложками цукру, додац 2 ложки какава, 2 ложки муки, 1 ложку зомлєтей кафи и тварду пенз' боз 7 бильчкох. Випечену и охладзену торту ше з истим филом филує и зоднука и звонка.
Фил: витрепац 3 цали вайца, 20 деки цукру, додац 2 ложки какава, ложичку млєтей кафи и ложичку муки. Шицко помишац и положиц до судзини у хторей вре вода. Так най ше вари, з нєпреривним мишаньом, док нє загушнє. Кед ше охладзи, дода ше 20 деки розтрепаного масла, помиша ше и филує торту.