КАФОВА ТОРТА
Мишай 14 деки цукру з 8 жоовчками. Додай 14 деки очисцени, помлєти мандулї, 5 деки муки и шнїг з 8 бильчкох. Кед ши добре розмишала, роздзель наполи и печ у помасценеи и помученеи фурми окреме едну половку, а окреме другу, лєм най буду єднаки. Тераз направ фил: мишай 12 деки цукру и 12 деки масла, а вец додай 1 цале вайцо, 4 ложки моцней чарней кафи, котру ши уварела на густо зоз 5 коцками цукру и охладзела. Кед ши зоз филом готова, полнї з нїм охладзену торту, а тиж з истим филом омасц звонка торту. Украш з очисценима мандулями.

КРЕМОВА ТОРТА
Витреп на твар до 6 бильчки зоз 6 ложками цукру; далєй трепеме и пущаме по єден 6 жовчки. На остатку додаме З ложки муки (верхом) и добре змишаме. Усипеме до тепши або фурми и печеме.
Фил: у 4 децох млєка увариме 4 деци муки на густо. Кед ше охладзи, умишаме 14 деки витрепаного масла и 14 деки цукру. Торту режеме на 2 часци, филуєме єдну часц, на ню кладземе другу часц и верх помасциме зоз филом и посипеме моз таким грилажом: 6 деки цукру попражиме на жовто и домишаме б деки тлученого ореха, та попражиме знова. Кед ше охладзи, потлучеме на дробно и посипеме по верху и по бокох торти.

ЛИМУНОВА ТОРТА
Мишай 28 деки цукру зоз б жовчками и з 1 лимуна сок и потарту скорку. Вец додай 3 ложки муки и шнїг зоз 6 бильчкох, розмишай и усип то до помасценеи и помученеи фурми и упеч. Упечену розреж на три часци и филуй зоз тим: у ферталь литри млєка увар 2 ложки муки же би було густе. Кед с готове, знєй и охладз. Док ше то охладзи, мишай 14 деки цукру и єден мещок ванилия цукру. Кед добре розмишаш, улєй до того гевто млєко и розмишай. Зоз тим филуй торту. По верху прелєй з лимунову ґлазуру.