ЧОКОЛАДОВА ТОРТА
Добре ше розмияша 6 деки масла зоз 6 ложками и 16 дкґ цукру, а вец ше дода 6 деки одмекнутей чоколади, 16 деки муки и на остатку тварду пену зоз 4 бильчкох. Полєгко ше розмиша, усипе до намасценей фурми и 1 годзину пече на цихим огню. Кед ше вине и охладзи, намасци ше зоз зогратим кайсовим маджуном, а док ше и маджун охладзи, премасци ше цалу торту з розпущену чоколаду.

ШВАРЦВАЛДСКА ВИШНЬОВА ТОРТА
За цесто треба: 4 вайца, ферталь лимуна, 2 ложки води, 3 00 ґрами цукру, 75 ґрами муки, 30 ґрами крохмалю (ґустин), 1 ложка какава, 1/2 ложички пращку за печене, 50 ґрами млєти орехи и дакус цимету.
Бильчки з воду и лимуновим соком ше витрепе, дода ше цукер, вец жовчки, муку, крохмаль, какао, пращок за печене, зомлєти орехи и цимет. Шицко ше усипе до намасценей и помученей шерпенї най ше на цихим огню пече дас пол годзини.
За фил потребне: пол кили щикани вишнї (мож и з дунца), 3 ложки цукру, 1 ложку крохмалю (абу кус желатину) 1/2 шметанки за шлаґ, кус чоколади, 1 паклочко ванилиї и ложичку желатину. Фил: юшка з вишньох ше положи най превре з кус цукру та ше до ньго усипе розпущени крохмаль (або желатин). Кед маса загушнє, сцагне ше з огня и усипе до нєй вишнї, добре розмиша и зохаби най гає охладзи. Добре вихладзену шметанку ше барз вимита же би шлаґ бул густи — тримал ше як найлєпше витрепани бильчки, дода ше кус желатину, заш трепе, а вец ше дода мелки цукер и ванилийов цукер.
Упечену и охладзену торту ше пререже так же би долня часц була грубіла, та ше на ню пошорує вишнї и дас на два пальци грубо шлаґу. Вец ше шицко прикриє з ценшу часцу и з преостатим шлаґом около пофилує, а по верху потреше з на векшим тарлє потарту чоколаду. Торта муши стац у фрижидере и муши ше ю жимну служиц.

ШТЕФАНИЯ ТОРТА
Добре витрепеме 9 бильчки и додаме ЗО деки цукру та далєй трепеме, а вец додаме єден по єден 9 жовчки. На концу додаме 2 деки муки, 2 ложки сухи отрушини, 8 деки млети ман