дулї и 8 деки млєти лїсковци (або 16 деки млєти орехи место лїсковцох и мандульох). Печиц у фурми або тепши.
Фил: 25 деки цукру зоз 3 вайцами добре вимишац (мож и вариц, а добре и сирове), 3 ребра потартей чоколади и ферталь кили масла. Пофиловац, а верх мож помасциц зоз филом або на ньго положиц даяку ґлазуру (нє муши ше).

Кекси

КЕКСИ І
Мишай 14 деки масла, 25 деки цукру, додавай 4 вайца єдно по єдно. Кед ши добре розмишала, додай 1 мещок ванилия цукру, пол мещка Еткерового пращку за печене и 75 деки муки. Розгнєц добре, а вец препущ тото цесто през месову машинку на котрей прикруцена за тоту роботу плехова фурма. Кед нє маш тоти фурми лєбо маїпинку, теди цесто розжень и прав колачики з обичнима фурмами. Покладз до помученей тепши и печ.

КЕКСИ II
Загнєсц 55 деки муки, 8 деки масла (або 5 деки масци), 25 деки цукру, ванилию, 2 жовчки, 1 цале вайцо, дакус соди бикарбони и 2 ложки шметанки. Добре виробиц, розошац и виштухац з округлу фурмочку; упечиц у кус масней тепши.
Фил: 10 деки масла, 12 деки цукру, з 1 лимуна потарту скорку добре змишац и лїпиц з нїм поґачики (по 2 фалатки).

КЕКСИ НА МАШИНКИ
Загнєсц цесто з 5 вайцох, 25 декох масла (лєбо 20 декох масци), 25 декох цукру, 1 ванилийовим цукром, ложичку соди бикарбони и 75 декох муки.
Кед є загнєцене, прав з нього кульки хтори вец праж у машинки (коцкастей фурми за кекси).