МАРАСКИНО ҐЛАЗУРА
Розпущ 20 дкґ цукру з 2 ложками мараскино ликеру, додац прецадзени сок зоз пол лимуна, знова добре розмишац и премасциц торту.

РУМОВА ҐЛАЗУРА
Мишай 2 ложки мелкого цукру, єдну ложку врацей води и з едного лимуна сок и дакус руму. Кед ци є ридка, додай ище цукру и мишай док ци нє загушнє.

ЧОКОЛАДОВА ҐЛАЗУРА
Вар на огню 4 ложки води, 10 деки цукру и 4 штанґли чоколади. Кед згушнє, додай тельо як орех масла и зоз цеплим прелївай торту лєбо колачи.

Пусли

ПУСЛИ
а) Мишай пол годзини 28 деки цукру, 2 бильчки и сок зоз пол лимуна. Кед ши добре розмишала, додай 14 деки ореха цали ядра, лем най буду здрави. Прав на помасцену тепшу пусли.
б) Пусли зоз зомлєтима орехами. Направ шнїг з бильчкох и помишай до ньго на легко 14 деки мелкого цукру и 14 деки зомлєти орехи. Розмишай добре, прав пусли на помасцену тепшу. Печ при моцним огню.