ОРЕХОВ КРЕМ
У 2 ложкох води вариме док не згушнє: 5 жовчки, 15 деки цукру и мещок ванилийового цукру. Знєєме з огня и мишаме док ше не охладзи. Вец додаме 15 деки масла и 12 деки млєти орехи. Добре розмишаме. Може ше хасновац и як фил.

ПОМАРАНЧЕЦОВ КРЕМ
Розмиша ше 5 жовчки зоз 5 ложками цукру у котрим натарта скорка з помаранчеца. Дода ше 3 и пол деци млєка и сок зоз 3 помаранчатох, помиша ше, положи до судзини з врацу воду и мишаюци ше вари док не загушнє. Теди ше винє зоз судзини у котрей враца вода, та ше охладзи. До охладзеного ше дода жовчки зоз цукром, помиша ше и улєє до фурми хтора пред тим намасцена з мандульовим олєйом, та ше положи на ляд. Пред служеньом витресц до склєняней миски.

ЧОКОЛАДОВ КРЕМ
Добре вимишац 2 жовчки з 12 деками цукру, 1 мещок ванилийового цукру, 1 и пол деци млєка та домишац 3 деци муки док ше вари на огню; кед загушнє, знєєме з огня и мишаме док ше нє охладзи. Додаме 3 ребра потартей чоколади и 10 деки масла и добре розмишаме.

ВАНИЛИЙОВ ШАТО
До 6 бильчкох, добре витрепаних зоз б ложками цукру, положи ше фалат ванилиї увареней у пол литри млєка. Кед млєко з ванилию превре, помали досипеме жовчки, та превариме.

ПРЕЛЇВ З МАЛИНОХ
Прелїв з малинох ше прави так як и прелїв з ягодох, лєм ше место соку зоз жемних ягодох сипе сок з малинох.