ПРЕЛЇВ 303 КАЙСОХ
Премишац 3—4 ложки кайсового маджуну з 2 ложками цукру, прецадзиц сок з пол литри лимуна, наляц води тельо же би була мишанїна ридша и вариц док дакус нє загушнє.

ПРЕЛЇВ 303 КАФИ
Вимишац 6 жовчки зоз 6 ложками цукру, додац 1,5 деци млєка, 1 децу моцней чарней кафи и дакус ванилиї. Добре вимишац, приставиц на огень до судзини у котрей вре вода и, нєпреривно мишаюци, вариц док не загушнє.

ПРЕЛЇВ ЗОЗ ЦУКРУ
Випражиц 8 деки цукру же би бул красней, цмей жовтей фарби, наляц 3,5 деци млека, превариц, а вец преляц тото зоз 5 жовчками и 5 дкґ цукру. Помишац, положиц на огень до судзини у котрей вре вода, и нєпреривно мишаюци, охабиц най дакус превре.

ПРЕЛЇВ ЗОЗ ЧОКОЛАДИ
Добре вимишац 6 жовчки зоз 6 ложками цукру, додац 2 и пол ребра розпущеней чоколади, на тото усипац шольку жимного млєка. Розмишац, приставиц на огень до судзини у котрей вре вода и, нєпреривно мишаюци, вариц док нє загушнє.

ПРЕЛЇВ З ЯГОДОХ
Витрепац 6 жовчки з 15 деки цукру, додац прецадзени сок з ферталь кили жемних ягодох, сок з пол лимуна, добре премишац и вариц док добре нє превре.

ШАТО З ВИНА
Пол литри вина превариме; добре витрепеме 4 жовчки зоз 4 верхом полнима ложками цукру и усипеме до вина. Кед иочина гуснуц, сцагнєме на бок и помали умишаме 4 добре витрепани бильчки.