СЛАДКИ ЛАКОТКИ


Кохи


ҐРИСОВ КОХ
У пол литри млека увар 20 деки ґрису на густо. Знєй з огня най ше охладзи. Дотля мишай 7 деки масла лєбо 5 деки масци зоз 4 жовчками, потри зоз пол лимуна скорку, додай 7 деки цукру и шийко змишай до охладзеного ґрису. А на остатку полєгко умишай зоз 4 бильчкох пену. Усип до вимасценей фурми за ґуґлоф лєбо до тепшички и печ у рерни.
Мож єсц з даяким соком або з вишнями з дунца.

КОХ ЗОЗ БАНАНОХ
Потребне: 2 ложки масла, пол литри млєка, два лимуни, 10 банани, 100 ґрами цукру, погарик руму, мещок ванилийового пудинґу, 2 ложки нашекани мандулї (орехи чи лїсковци).
Увариц пудинґ у пол литри млєка з цукром (як пише на мещку), та до ньго умишац сок з лимунох и кус натартей скорки, а зоз миксером чи видлїчку поджамиц банани на пену та умишац до ище горуцого пудинґу. Додац рум и мандулї, та усипац до римского гарчка и печиц 30 минути на 250 ступнї.