КОХ 303 ҐРИСУ
Увар у пол литри млєка 20 деки ґрису. Дотля вар покля нє постане цалком густе. Знєй, охладз. Док ше хладзи, мишай 7 деки масла (лєбо 5 деки масци), додай 4 жовчки єден по єден, натарти зоз пол лимуна скорки, 7 деки цукру и шнїг зоз 4 бильчкох, вец додай уварени ґрис и полєгко добре розмишай. Усип то до вимасценей фурми лєбо шерпенї и печ.
кох зоз пени
Зоз 5 бильчкох витрепеме барз тварду пену, умишаме 5 ложки финого маджуну, сциха висипеме на миску и печеме при цихим огню дас ферталь годзини. Тот кох ше нє шме длужей печиц, а накадзи є упечени, такой го єме, бо ше иншак ушеднє.

КОХ ЗОЗ ПРАЖЕНОГО ЦУКРУ
Попражиц 14 деки цукру, додац 2 деци млека и лит муки. Тото нєпреривно мишац и вариц док ше нє почне оддзельовац од шерпенї. До охладзеного умишац 4 жовчки, 4 ложки цукру и на остатку пену зоз 4 бильчкох. Шицко ше змиша, усипе до намасценей и помученей фурми, та ше вари у пари. Висипе ше до миски и кладзе на стол.

КОХ ЗОЗ ШМЕТАНКИ
Розмишац 14 деки цукру зоз 6 жовчками, додац 2 деци швижей шметанки, 1 верхом полну малу шолїчку муки и на остатку тварду пену зоз 6 бильчкох. Шицко розмишац, усииац до намасценей и помученей фурми та вариц на пари. Витреше ше на миску и служи з ягодовим прелївом.

КОХ ЗОЗ ЯБЛУКОХ
Кох з яблукох ше пририхтує так: У пол литри млєка увариме шольку рискаши так на густо же би ше маса могла винїмац з ложку. Єден жовчок витрепац зоз шольку цукру и додац охладзену рискашу. Окреме очисциц и потрец два яблука, та и тото положиц до рискаши. Вимишайце и на концу