положце твардо витрепани шнїг з двох бильчкох. Судзину (фурму) намасциц з маргарином, посипац з отрушинами, та до ньго усипац кох и сциха печиц. Готови кох лосипац з млєтима орехами котри вимишани з мелким цукром або з джемом з малинох.

КОХ З РЕЗАНКОХ
Направ цесто з 20 декох муки, ферталь кили сира, єдного вайца и дакус солї. Розжень и пореж на груби и широки резанки, вец их вивар у сланей води, а уварени прецадз и оплокай. Мишай тельо масла як єдна вайцо, додай 6 жовчки єден по єден, 6 ложки цукру и 6 ложки шметанки. Кед ши добре вимишала, додай резанки и шнїг зоз 6 бильчкох и помишай. То можеш печиц у фурми за ґуґлофи лєбо на обичней тепши, лем мушиш фурму (тепшу) добре пред тим вимасциц и помучиц. Кед у фурми печеш, лєбо у шерпенї, можеш положиц, кед дас половку улєєш, чоколади у фалаткох лєбо кайсового маджуну, а вец то присипац з другу половку резанкох и так печиц. У тепши печене пореж на коцки и з мелким цукром посип. Є ше цепле.

КОХ З РИСКАШИ
Увар у литри млєка 15 деки рискаши. Меркуй най ци не пригори! Знєй уварене зоз шпоргета най ше охладзи. Охладзеному додай 4 жовчки, 4 ложки цукру, натри з пол лимуна скорки и шнїг зоз 4 бильчкох, та добре помали розмишай. Жовчки и цукер пред тим розмишай. Можеш додац и 7 деки масла. Вимасц фурму лєбо шерпеню, усип до нєй и при цихим огню печ. Упечене є теди кед з иглїцу до ньго штухнєш, а вона останє чиста.

ЛИМУНОВ КОХ
Добре розмишац 8 жовчки, 15 деки цукру, зоз пол лимуна сок и скорку, 10 деки млєти мандулї и 1 ложку презли, та додац витрепану пену з 8 бильчкох. Сипац до ґуґлофовей фурми. На пари вивариц, а потим допечиц у рерни. Висипац на миску и єсц зоз шатоом з вина.
Пред хаснованьом ґуґлофову фурму треба добре подмасциц.