МАНДУЛЬОВ КОХ
Добре вимишац 3 ложки кайсового маджуну, 3 ложки цукру, та додац 15 деки млєти мандулї и зоз 6 бильчкох тварду пену. Усипеме до добре вимасценей ґуґлофовей фурми; пол годзини над пару вариме, а потим у рерни 15 минути печеме.
Висипе ше на миску и мож єсц з ванилийовим шатоом ішато усипац до миски доокола коху).

РИСКАШОВ КОХ
У литри млєка вариц 15 деки рискаши. Кед є уварена, охаб най ше охладзи. Ґу охладзеней рискаши додац 4 жовчки (пред тим зоз цукром вимишани, а у нїх додате дакус масла), 4 ложки цукру, потарту скорку з лимуна и зоз 4 бильчкох тварди шнїг. Шицко добре премишац. Вимасциц фурму за ґуґлоф або шерпенку, усипац того шицко до нєй и при цихим огню печиц. Упечене є теди кед ше до ньго штухнє з иглу, а игла останє чиста.
Ґу тому мож хасновац даяки овоцов сок або компот.

ЯБЛУКОВ КОХ
Динстовац 5 векши (на менши фалатки порезани) яблука, а вец их препасировац. За тот час ше у миски розмиша 4 жовчки зоз 4 ложками цукру, та ше дода тогу кашу з яблукох, потим сок з пол лимуна, гарсц отрушинки з билого хлєба и на остатку пену зоз 4 бильчкох. Шицко тото ше сциха премиша и усипе до намасценей миски, пече ше у рерни и виноши на стол.

Пудинґи

ОРЕХОВ ПУДИНГ
Миіпац 3 жовчки з 8 деками цукру, додац дакус натартей лимуновей скорки, 10 деки помлєти орехи и витрепани 3 бильчки. Вимишану масу усипац до пририхтаней модли и вариц 45 минути. Сервировац з виновим прелївом (шатоом).