РИСКАШОВ ПУДИНГ
Увариц 15 деки рискаши у пол литри млєка и охладзиц. Дотля вимишац 8 деки цукру, додац 5 жовчки и змишац з охладзену рискашу. Кед ше шицко добре розмиша, полєгко замишац 5 витрепани бильчки. До помасценей модли усипе ше єдну часц маси, по ней ше премасци джем зоз кайсох, вец заш дакус маси, та джему, и так по верх. Вари ше 1 годзину.

ЧОКОЛАДОВ ПУДИНГ
До пол литри врацого млека положиц 8 деки масла, 12 деки чоколади и 12 деки муки (перше ю розмишац з дакус жимного млєка). На огню шицко мишац док нє загушнє и не престанє ше лїпиц на варешку. Вец охабиц най ше охладзи. До охладзеного додац 6 жовчки, 6 витрепани бильчки и 10 деки цукру. Розмишац, усипац до приготовеней модли за варенє пудингу. Вариц 1 годзину. Мож преляц з витрепану сладку пгметанку (шлаґом).

 

Сладоляди

ВАНИЛИЙОВ СЛАДОЛЯД
Добре ше розмиша 5 жовчки з 18 дкґ цукру, дода ше пол литри млєка, та ше судзина зоз тим положи до врацей води и вари ше з нєпреривним мишаньом, док нє згушнє. Теди ше додава 2 мали ложки цукру у хторим потлучена половка ванилийового струча, та ше ище кус вари. Знєє ше з огня и далєй миша док ше нє охладзи. Вец ше маса прецадзи през шитко и кладзе ше до фрижидера на найжимнєйше место.

ЛИМУНОВ СЛАДОЛЯД
Зоз 7 децами води преляц 38 деки цукру и вариц 15 минути. Вец зняц з огня, додац прецадзени сок зоз 3—4 лимунох