і^розна, 10 деки млєтого ореха и пена з 1 бильчка. Зоз тей маси ше прави кульки вельки як добри орехи и то так же ше до каждей положи нука вишню з дунца. Посипе ше з ванилийовим цукром и кладзе до купчих паперикох.

ДЕСЕРТ „АБЦ"
Пририхтує ше за 4 особи.
Потребне: 500 ґ кукурици цукровки, 2 дл бистрого соку з яблука, 50 ґ меду, ванилийов цукер, 20 ґ млєти орехи, кус шлаґу, а за декорацию: чернїци, рибизли, мандарини або бобкрі зоз червеного грозна.
Поступок: Кукурицу вариц 5 минути у горуцей води, одцадзиц, охладзиц и сервировац до 4 склєняних погарох. У другей судзини вариц, мишаюци, сок з яблука, мед и кус ванилийового цукру аж док ше мед не розпущи. Потим сладки прелїв охладзиц и сипац до погарох таке количестпо же би прикрило кукурицу. На тото сервировац пасмо млєтих орехох, на орехи пену зоз шлаґу, а декоровац зоз чернїцами або подобним.

КУЛЬКИ З ҐЕСТИНЬОХ І
Увариц, очисциц и препасировац пол кили ґестинї. За тот час увариц ферталь кили цукру, хтори пред тим дакус поиирскани з воду. Кед цукер постане як мед, додава ше му препасировани ґестинї, потим 2 дл млєка, 1 ванилийов пращок и шицко ше тото вари, з нєпреривним мишаньом, док цалком не згушнє. Зняц з огня и охабиц най ше охладзи. З охладзеней маси прави ше мали кульки, вельки як орех, мача до ванилийового цукру, кладзе до паперикох и охабя сушиц.

КУЛЬКИ З ҐЕСТИНЬОХ II
Очисцице ґестинї и варице у млєку, потим их одцадзице и препасируєце. На пол кили випасированих ґестиньох додац 250 ґрами цукру, два ложки руму и шицко добре премишац, а потим правиц кульки котри на концу оваляме у струганей чоколади. Осушце их на воздуху и пошоруйце до паперових кошарочкох.