КУЛЬКИ З ОРЕХАМИ
Розмишай єдно паклочко маргарину на пену, додай таблу змегчаней чоколади, знова розмишай, та додай 2 цали вайца, 4 ложки мелкого цукру и 10 деки резани орехи. ТТТицко розмишай и кладз кульки на паперики за колачи.

КУЛЬКИ 303 ЧОКОЛАДИ
Розмиша ше 7 деки масла, 2 деки цукру и 2 жовчки. Потим ше дода 2 деки какава, 1 ложка руму и ферталь кили одмекнутей чоколади. Шицко те добре помиша, та ше прави кульки, вельки як орехи. До каждей ше положи у руме намочену вишню з дунца, та ше кладзе до паперикових канчовикох.

ЛАКОТКА З РИСКАШИ
Рискашу увариц у млєку (рискашу мож до поли увариц у кус посолєней води, а вец зляц звишок води и доляц млєко) и поцукровац аж на концу кед є цалком розварена же би нє пригорела. Дотля витрепце 4—5 жовчки на пену и умишайце до горуцей рискаши. Таку розмишану масу, запахняцену з ванилию, а можебуц обогацену и зоз сухим грозном, стручами орехох чи лїсковцох и мандульох, посипце до малих судзинох у котрих ше служи и охладзце. Пред служеньом прелєйце зоз компотом з дунца: вишнями, шлївками, яблуками або малиновим сирупом. Такому єдлу ше окреме обрадую дзеци, а воно им да досц калориї за розбавени орґанизем.

МАРЦИПАНИ
З дакус води ше превари ЗО деки цукру, дода ше 12 деки зомлєти орехи (або мандулї) и 1 ложку руму. Шицко ше то розмиша, та ше зоз нього прави мали кульки, вельки як орех, мача ше до чоколади и охабя ше сушиц.
Чоколада за мачанє ше приготови так: у шерпенки ше розпущи на пари 3—4 ребра чоколади и 5 деки масла, та ше добре розмиша.

ПЕЧЕНИ ЯБЛУКА
Потребне: 8 яблука, 4 ложки цукру, 4 ложки нашекани мандулї (мож и орехи), 4 ложки сухого грозна, ложку руму, децу вина, мещок цимету, ложичку масла.