З очисцених яблукох осторожно виняц маґочки; цукер з циметом, мандулями (орехами), грозном и румом вимишац, може буц и зоз кус шметанки. Мишанїну ше накладзе до дзирох дзе видлобани маґочки, та ше полнєни яблука кладзе до римского гарчка, кус прелєє з билим вином, а од горе на кажде положи 'Заренко масла. Печиц пол годзини на 250 ступні".
Додатки: зоз жимнима печенима яблуками смакує шлаґ або сладоляд.

ПИРЕ З ҐЕСТИНЬОХ
Очисциц ґестинї и вариц коло 40 минути з дакус млєка. Препасировац их, додац кус масла, цукру, ложичку руму и шицко ище раз препасировац. усипац до погарикох и служиц зоз шлаґом

ПРАЖЕНИ БАНАНИ
Банана тиж доступна у часох кед другей овоци нєт вельо и прето ю треба хасновац як дополнєнє у нашей поживи. Попробуйце и з бананох направиц смачне єдло котре вашим госцом и домашнім вивола шлїни на уста.
Порихтайце цесто з муки, єдного жовчка, солї и млека. Вимишац и додац ложку руму. Шицко зохабце най стої коло два годзини. Потим витрепеце тварди шнїг з бильчкох и додаце го до цеста. Банани порежеце на половки по длужини, кажду половку замочце до цеста и пражце на врацим олєю. Одцадзце их на шитку и посипце зоз цукром котри помишани зоз циметом.

ТАЩЕ МЛЄКО
На твардо витрепеме 5 бильчки з 2 ложками цукру и з ложку их кладземе до литри млєка хторе вре. До млєка зме пред тим положели фалат ванилиї. Уварени бильчок одцадзиме на шитку, а млєко положиме назад до шерпенї, та му додаме дас два деци води. Добре вимишаме 5 жовчки з 20 деками цукру, та кед млєко вре, усипеме тото до млєка и нєпреривно мишаюци вариме док нє загушнє. Виварени бильчки положиме до штред миски, а коло нїх усипеме уварени жовчки.
Хаснує ше жимне.