ТУРСКА БУНДАВА З РИСКАШУ
Очисц турску бундаву, пореж на ценки фалатки. Вимасц шерлеяю, полож єден шор бундави, вец полож по ценко рискашу, поцукруй, поциметуй, а вец заш полож бундаву, рискашу, поцукруй, поциметуй и роб так дотля док нє наполнїш шерпеню, лєбо док маш цо класц. По верху полож дас тельо масци як орех, залей зоз посоленим млєком (на дволитрову шерпеню бер пол шольки млєка) и печ у рерни.

ФИЛОВАНИ ЯБЛУКА
Поумивайце килу яблука и з каждого видлобце чутак, але так же бисце го цо менєй очкодовали. Зомельце 100 ґрами орехи, розмишайце з цукром и виполнїце дзири у стред яблука. Таки филовани яблука складайце до судзини з єни скла або шерпенки, та на кажди отвор на верх филу, кед же любице аапах масла, додайце як єдно кукуричне зарно масла. Прикрийце судзину и печце дас годзину на температури од 200 ступні'. Яблука барз смачна и калорична лакотка, вименї допитосц жимских дньох кед нєт иншакей овоци лем яблука, а охладзени мож служиц и як окреме фину лакотку поцифровану зоз шлаґом — густо витрепану сладку шметанку на котру як украс мож положиц и по єдну вишню з дунца. То вам заменї вельку роботу коло торти чи других колачох, а тиж будзе крашнє випатрац и смачне єсц.

ФЛЮТИ
То єдло зоз кромпльовей замешки.
Замешка ше увари як цо скорей писане, з тим же кед є готова, з ложку ше кладзе до мисочки котрей дно посилане з поцукрованим зомлєтим маком. Кед ше виполнї шор, знова ше шицко посипе з маком и цукром, заш ше шорує замешка и так покля ше нє потроши. Теди ше прикриє з покривку и виноши на стол ище цепле, але упарене же би ше цукер розпущел.

ШТОЛВЕРКИ
У векшей шерпенї вариц пол литри млєка Кед почне врец, додац на верх ножа соди бикарбони, вец 20 деки цукру,