МАЛИНОВ СОК
На килу малини насипеме пол литри води и ґрам квашнїни. Най так стої 4—5 днї. Вец прецадзиме, але нє висцискаме. Додаме килу цукру, добре помишаме и сипеме до фляшкох.
Додац пред тим 1 деку бензоату, котри ше хаснує место салициї.

ПОМАРАНЧЕЦОВ СОК
Тот сок барз легко приготовиц. Очисцени помаранчата ше през фатьол або даяке друге ридке и чисте платно висцискує, та ше посладзи по смаку, а вец розридзи з воду.

СИРУП З ЛИМУНАДУ
Пол кили цукру у 1 литри води ше вари док нє постане густи сируп. Кед є уварене, дода ше потарта скорка и сок зіоз 4 лимунох. Кед ше охладзи, сипеме до фляшкох, заткаме и одложиме. Того мож вец розмишац з 2 литрами води и пиц як лимунаду.

ЧЕРНЇЦОВ СОК
Сок з чернїцох ше приготовює як и вишньов сок: литра одцадзеного соку вари ше з килу цукру.

ЯБЛУКОВ СОК
Ферталь кили умити, очисцени и порезани яблука ше помеле на машинки за месо. Вец ше тоту кашу розридзи з дакус води, та ше одцадзи през фатьол. Достане ше коло 2 деци соку до котрого ше висциска сок зоз пол лимуна. Пиє ше такой.

ВИНОВИ ЧАЙ
Винови чай ше прави так як и царски чай, але ше место млєка похаснує исто тельо вина.