МЛЄЧНИ ЧАЙ
Ферталь литри горуцого, превареного млєка ше прелеє на пол ґрама чаю, най дакущичко постої, а вец ше прецадзи и поцукрує з 1 деку цукру.

РУМЕНЦОВ ЧАЙ
Нє лєм же є смачни, але є и лїковити и легко го порихтац. Сухи квецики ше положи до врацей води и най повру 5 минути. Потим ше прецадзи, поцукрує и вислугує.

РУСКИ ЧАЙ
До литри горуцого млека положи ше пол деки чаю и охаби 5 минути. А вец ше прецадзи. Добре ше вимиша 4 жовчки и 5 деки цукру, та ше до нїх усипе млєко и треие ше на огню док не почне врец. До того чаю мож додац пол деци коняку лєбо руму.

ЦАРСКИ ЧАИ
Добре розмишац 1 жовчок з 1 деку цукру. Млєко (2 деци) ше превари и помали долїва на премишани жовчок. Вец ше положи на огень и вари ше док нє почне врец

ЧАИ З ЛЇПИ, ЧЕРНЇЦОХ АБО ЖЕМНИХ ЯГОДОХ
Чай з лїпи, чай зоз . чернїцох и чай зоз жемних ягодох пририхтує ше так як и руменцов чай.

ЯБЛУКОВ ЧАЙ
Два деки сухи лупи з яблукох прелєю ше з 1 литру води и охаби ше их най одстоя. Потим ше вари 20 минути, прецадзи и по смаку поцукрує.