НАПОЙ


ВАРЕНЕ ВИНО
До вина ше усипе цукер и фалаток цалого цимету, добре ше увари (най вре) и цепле пие. Кед вино моцне, мож до ньго усипац едну трецину води. На 3 деци вина бере ше 3 деки цукру.

КАКАО ЛИКЕР
Зоз 35 деками цукру превариц три ферталї литри млека. Док ше вари, розмишац 4 ложки какава у жимним млеку. Добре вимишац 2 жовчки зоз 3 ложками цукру, та помишац шицко вєдно. На остатку додац ферталь литри алкоголу.

КАФОВ ЛИКЕР
Зоз 4 децами увареней правей кафи (на 4 деци води 4 мали ложички кафи) вариме 40 деки цукру. Кед превре, знєєме з огня, додаме ферталь литри чистого алкоголу и прикрите най ше охладзи. Жимни ликер прецадзиме, посипеме до фляшкох, позатикаме и одложиме. Накельо длужей стої, нательо є лєпши.

КОНЯК З ВАИЦАМИ (АЕР КОНЯК)
Добре розмишац 5 жовчки и 5 ложки цукру, додац ігол литри коняку и вариц у пари док не почне врец. Теди ше знеє