Ми ту наведземе дзепоєдни приклади о хторих детальнєйше поведзене у техніки рихтаня диєти. Вежнїме, наприклад, масло и олєй. Вони нє треба же би ше зогривали нагло лк масц, але помали и на слабим огню, бо би пражене на моцним огню спричинєло чежшу претровлївосц. Мушиме принознац же нагле зогриванє дава добри смак, окреме швиньскей масци, але така пожива источасно чежше претровлїва. Лєбо, наприклад, же би юшка була посна, перше ю охладзиме, а потим позбераме зоз поверхносци масц, та аж после того ше знова зогрива и пририхтує за хорого.
И при месу завиши од способу пририхтованя чи едно исте месо, наприклад целячина, будзе „легка" або „чежка" пожива. Познате же ше найлепше претровює варене, а найчежше печене месо.
Цо ше дотика угльових гидратох, же би и тота файта поживц була легка, односно добре претровлїва, потребне же би ше тиж так пририхтовала правилно, наприклад кромплї же би були зготовени у форми пиреа, а други угльово гидрати пшелїяк на други способ.
У тим поглавю найдземе детальни упутства о техніки пририхтованя поживи, о костираню хорих на печинку, на покрутки, од цукровей хороти и дутих хоротох, та увидзиме яке значене ма костиранє у лїченю.
Попри тим, у тим поглавю будзе слова и о костираню хорого и здравого дзецка котре цицка, цо барз значне за гевтих хтори оддалєни од медиицнских центрох або специялистох.
Костиранє хорих на жалудок
Найчастейша хорота жалудка то хронічне запалене шлїжацей скорочки жалудка (ґастритис), котра ше явя як пошлїдок нєправилного костираня, нєдостаточного жуваня поживи (або пре подли звик, або пре недостаток зубох), хаснованя моцних присмакох, алкоголу, куреня, длуготирвацого хаснованя лїкох котри очкодуго шлїжацу скорочку жалудка. Психични травми тиж часта причина тей хороти. Воно ше тиж так часто явя вєдно з хоротами шерца, малокревносцу и другима хоротами. Хронїчни ґастритис провадзени зоз нарушеньом вилучованя хлороводонїчней квашнїни, або тото вилучованє зменшане або звекшане.
Лічене хронічного ґастритиса ше состої у одстраньованю основней причини з одвитуюцу медикаментозну терапию и диєтотерапию.
Попри ґастритиса, як досц часта хорота то и вред на жалудку и дванаїщальцовим череве.
У костираню хорих котри хорую од жалудкових хоротох треба вихабиц кажду поживу котра би могла механічно очко