довац шлїжацу скорочку жалудка (сирови поживово артикли богати зоз целулозу, тварди фалатки поживи, моцни присмаки як и кажде векше количество поживи). Тиж так важне же би дньове количество єдла було подзелєне найменєй на пейц єдзеня (фриштик, предполадньово оловранти, полудзенок, пополадньово оловранти и вечера), бо кажде векніе уношене поживи нараз значно обтерховює жалудок.
У диєталним костираню хорих першенство маю: препечени били хлєб, млєко — особлїво кисле, месо младих животиньох, риба, на мегко уварене вайцо, олєй або масло у цо менших количествох, желєнява худобна у целулози а богата з крохмальом, овоцово соки, компоти, бобкаста овоц, алкални минерални води, благи присмаки (лимунов сок, петрушково лїсце, копер).
Поживово артикли котри треба заобиходзиц то тоти: швижи хлєб — особлїво чарни, потим длуготирваце хаснованє млєка и млєчних продуктох пре нєжадани пошлїдки (анемия), масни меса, масни риби, месово преробки, месово конзерви, конзерви з риби, сирови або пражени вайца, швиньску масц, лой, масло, шкварки, леґуминози и другу желєняву цо ма досц целулози, сирову желєняву, сирову овоц, векши количества цукрових концентратах, моцни чаї и кафу, алкогол и моцни присмаки. Успишному лїченю тей хороти, попри правилного диєталного костираня, у велїм може допомогнуц правилни и достаточни одпочивок. Шицки спомнути препоруки за диєталне костиранє тих хорих треба реализовац з обовязну согласноецу лїкара котри хорого лїчи.
Костиранє хорих на жовч
Тоти охореня досц части, окреме при женох. Без огляду чи то слово о запалєню жовчових каналох або жовчовей торбички, чи о стваряню каменкох у жовчовей торбички, диєталне костиранє у основи исте. Єдино ше розлики зявюю кед у питаню акутне або хронїчне охоренє.
Акутна форма запалєня провадзена з повисшену температуру, так же костиранє у перших дньох хороти треба же би мало характеристику диєти хтора ше применює при фебрилних станох, односно акутних инфективних хоротох хтори провадзени з високу температуру. Таке костиранє треба же би мало достаточне количество чечносци (швижи овоцов сок, мин. вода) и защитни поживови состойки (витамини и мин. солї) як и угльово гидрати, а з другого боку же би було худобне з масцами и бильчками. Кед акутни цек хороти прейдзе обично после даскельо дньох, треба предлужиц з костираньом хторе ше препоручує при хронїчному деку тей хороти. З оглядом же ше найчастейше роби о тлустих особох, треба у першим шоре зменшац калориину вредносц дньового оброку.