За отримованє шицких животних функцийох, т. є. за роботу шерца, плюцох, покруткох и других часцох цела хтори робя без вплїву нашей волї, орґанизем троши при подполним мированю коло 66,88 джули, 1 600 калориї. Лоґичне же при мускуловим и розумовим напруженю и трошенє енерґиї будзе векше, и то нательо векше накельо робота усиловнєйша. Прето треба же би те до организма уношели у достаточним количестве состойки поживи, хтори му оможлївя творене потребней енерґиї. Кед орґанизем троши вецей калориї як цо зоз поживу уноши, будзе приведзени до стану вичерпаносци, а то предусловие за хороту.
Кед познаме состав дзепоедних поживових артиклох и при їх виборе за дньове костиране водзиме рахунку о калоричней вредносци и охранєбних материйох у нїх, не будзе нам чежко составиц єдловнїк хтори будзе одвитовац потребом нашого орґанизма.