Значи, при хоротох печинки диєта то, у ствари, лїченє, бо з уношеньом бильчкох уношиме печинково защитни фактори.
Попри правилного костираня и уношеня досц витаминох за хорих на печинку не менєй важне же би цо вецей лежали у поецелї, бо ше на тот способ печинка лєпше подмирює з креву и швидше ше лїчи. Тиж так за тих хорих важне же би мали порядне чисценє черевох, а то ше легко посцигує з благима средствами за чисценє.
Можеме повесц же диєта за хорих на печинку треба же би була калорийна и богата з витаминами. Крем того, треба же би мала у себе досц бильчки и угльово гидрати, а огранїчене количество масци. Кед ест опухнуца, або прихильносц ґу опухнуцом, соль треба вихабиц.
Практично, за состав диєти при хорих на печинку приходза до огляду посни меса (говедзина, целячина, живинеке месо), потим млади кравски сир, млєко и вайца. Спомедзи масцох наиприкладнєиши олєй и масло. Спомедзи угльових гидратох: компоти, мед, джеми, бисквити, хлеб и инше. Попри тим, приходзи до огляду и скоро шицка желєнява. Не шлєбодно хасновац слїдующи поживово артикли и присмаки: швиньску масц, сланїну, лой и инше, а ґу тому анї алкогол у гоч якей форми. Зоз присмакох забранєне хасновац паприґу, попер и под.
Костиранс хорих на покрутки
Кед ше лїчи хорота покруткох, у остатнім чаше посцигнуте ізельке напредованє. Попри нових методох у лїченю хорих на покрутки, улога диєталного костираня тиж ма вельке значене.
Диєта за рижни покрутково хороти барз розлична. Єст покрутково хороти хтори нє условгою нїяки огранїченя у костираню. Даєдни хароти иіе лїча з огранїченим уношеньом солї у костираню, односно з огранїчованьом натрию, а при даяких ше, окрем солї, огранїчує и уношене води. При даєдних покруткових охореньох у диєти ше зменшує количество бильчкох, док ше при даєдних глєда костиранє полне з бильчками.
Прето лем лїкар може оценїц хтора диєта одвитує стану у хторим ше охорени покрутки находза. Не упущугоци ше до клинїчней слики хороти покруткох, одредзене число даяких рецептох може буц хасновите при диєти на покрутки.
Костиранє хорих на цукрову хороту
У нас, окреме остатніх рокох, барз звекшане число хорих на цукрову хороту. Спрам нєподполних податкох, у нашей жеми єст вецей як 400 000 хорих на тогу хороту. Єй розширеносц нєровномирна и углавним ше явя у крайох дзе пожива преобсяжна.