У костираню тих хорих треба же би бильчки, витамини и минерални солї були заступени у достаточних количествох. Угльово гидрати (цукер) и масци у дньових оброкох треба же би були у вельо менших количествох. Пожива треба же би була достаточно слана и же би мала достаточне количество минерални состойки, окреме калцию и желєза. Тото потребне прето же при таких хорих звекшане мокренє, а з тим ше з орґанизма траца векши количества солї. Цукрова хорота провадзена з окреме вельку потребу витаминох Бґрупи, як и за витаминами А и Ц.
Диєталне костиранє хорих на цукрову хороту ма улогу „лїка", а хори ше муши помириц з тим же таки ,,лїк" муши прилапиц през цали живот. Количество и файта поживи хтору хори треба же би уношел през дзень одредзує лїкар, а на основи його стану хороти.
Важне правило у костираню диябетичарох то подзелєна дньового оброку на вецей менши, найменєй 5—6, хтори ше, по можлївосци, муши брац у одредзених часових розмакнуцох.
Костиранє хорих на шерцо и кревни судзини
У сучасних условийох живота хороти на шерцо барз части. Без огляду на причину, розликую ше два форми стану хороти: декомпензовани и компензовани стан шерца.
Диєтотерапия декомпензованого стану состої ше у шлїдуюцим:
— кед же хори тлусти, дньови оброк треба же би бул меншей калоричней вредносни (1000 до 1200 калориї). У других случайох, кед же тїлесна чежина приблїжно идеална, калорийна вредносц дньового оброку може виношиц 1 500 до 2 000 калориї;
— количество бильчкох на початку барз мале (40 до 60 ґ през дзень) и не шме буц векше, бо векши количества индиректно обтерховюю шерп;о. Познєйше, кед ше стан шерца злєппта, тото количество мож звекшац на ноірмалне (60 до 80 ґ дньово);
— понеже цукер нєобходни за роботу шепцовей мускули, нєобходне же би го у дньовим оброку було 120 до 270 ґ и то у форми простих цукрох, хтори орґанизем легко хаснує;
— при костираню хорих на шерцо масци треба огранїчиц винїмково на такволани окрити масци хтори ше находза у намирнїцох, так же при пририхтованю поживи не треба додавац олєй, а анї даяку другу файту масцох. Познєйше, кед ше стан хорого злєппта, мож додавац и менши количества олєю;
— потреби за витаминами значно звекшами як потреби при здравих людзох. Тото ше одноши на витамини Бґрупи