КОСТИРАНЄ СТАРИХ


Костиранє у старосци муши буц рижнородне, рижнофайтове, легко претровлїве и досц калорийне. При костираню ше муши водзиц рахунок о длугорочних навикнуцох. Муши ше мерковац же би ше застановело звишок натитосци а тиж и схуднуца. Треба цо вецей керовац пражени єдла, єдла зоз запражку и мачанки. До орґанизма треба уношиц цо вецей основни состойки поживи, а пожива треба же би була цо вецей чечна або кашаста. Даваме даскельо поживово артикли хтори допущени при костираню старших:
— месо, риба, вайца допущени у менших количествох од 60—80 ґ дньово и то готовени так же би були цо лєгчейше претровлїви. Вайца досц штири у тижню, а масни меса и нукашнї орґани як и конзерви ше не препоручую,
— хлєб — є ше коло 150 ґрами дньово. Хлєб мож заменїц и зоз кромплями, кашу з овса або замешку,
— млєко треба уношиц коло пол литри дньово, а може то буц и йоґурт або кисле млєко,
— желєнява — крем мауновей желєняви треба ю уношиц кажди дзень,
— овоц — тиж так,
— лакотки и колачи треба уношиц у меншим количестзе и то у форми бисквита або колачох з овоцу,
— напой допущени, але лем у одредзеним количестве (кафа, чай), а алкоголни напої нє допущени.
Даваме приклад як треба же би випатрал єден дзень при костираню старих.
Фриштик: чай або била кафа, пражинка або препечени хлєб з маслом. Овоцов сок место кафи або чаю.
Полудзенок: юшка зоз желєняви, коло 80 ґрами меса або риби, 2—3 ложки пиреа зоз пасулї, гращку або подобне. Желєняву и кромплї, шалату, компот або овоц и єден фалаток хлєба.
Ужина: погар млєка, йоґурту або овоцового соку.
Вечера: погар млєка з фалатком хлєба, желєняву або вайцо, чай з бисквитом або колачи, овоц.