чувства ґадзеня. Попри тих главних чувствох, котри воламе апетит, цело ма у себе и цали шор помоцних контролних чувствох хтори шицки треба же би були задоволєни. То чувства за випатрунок поживи, смак, запах итд. Шицки прикмети поживи хтори потребни же би ше задоволєло жаданя апетита иаволую ше з єдним меном арома поживи. То наукови вираз хтори означує шицко тото цо потребне же би пожива смакозала. Ііауковци попробовали же би на шлїдуюци способ описали тото чувство: арома нормална физиолоґийна драж хтора, подобно тону инструмента у музики и фарби у малярстве, представя физиолоґийну подлогу за смачну вредносц людскей поживи.
Же би ше шіщки тоти условия посцигло, чловек не бере поживу у стану у котрим му дава природа, але ю присподобює и усовершує. И у тим ше чловек розликує од шицких других живих существох. За ньго пожива не лєм задоволене тілесних потребох, але и уживане. Пре тоти причини чловек жада од поживи вельо рижни прикмети хтори ше посцигує зоз схопним готовеньом поживи. Од знаня и схопносци дзепоедного кухара завиши яка будзе смачна вредносц поживи и хтори ступень на таблїчки ароми посцигнє дзепоєдне едло. Тота уметносц, найстарша и найважнейша од шицких хтори чловек стварел, твори гевто цо воламе техніка вареня. Од техніки вареня и схопносци кухара у тей техніки завиши у першим шоре ароматичносц поживи и єй подполне хаснованє. Розуми ше же шицко тото значне при каждей поживи вообще, а окреме то важне у диєтетским або хоротнїцким костираню. Потребне вельо схопносци и правого уметнїцкого чувства же би ше пожива ¦— ані менєй ані вецей — засмачела, посолєла, замишела, окурела, украшела итд. ц за здрави особи, зоз нормалним чувством апетита, а кельо то аж потребне кед у питаню хори хтори, пре зменшани апетит, ма менши надражай за поживу, а вельо векши жаданя у поглядзе ароматичного єдла! Нательо то чежши задаток и поставя векши жаданя уметнїцкому чувству кухара, бо треба же би вивершел вибор з малого числа єдлох, з велїма ])озличнима забранами.
Диєтетска техніка вареня. спрам того, розлична од обичней техніки вареня. Вона чежша. представя векше знане, векшу схопносц и префинєне особне чувство.
Попри шицкого того, диєтетске варене часц науки. Конечно, гоч кельо то випатра неважне, при диєтетским вареню потребна, попри познаня техніки вареня, и любов и чувство за хорого, розуменє за його дробни жаданя, за його нєобични смак, хтори ше часто шме, але ище частейше нє шме задоволїц. Мудро гварене же исправне костиранє основа каждого лїченя.