ЄДЛА ЗА ХОРИХ

 


Юхи, юшки

 


ЮХА ЗА ХОРИХ
На дробни фалатки пореже ше пол кили нємасней говедзини. Месо ше умиє и положи до єдного дунца, дакус ше посолї, дода ше 1 петрушку и дакус на дробно порезанеи мархви. Дунєц ше добре завяже з влажним дунцовим папером, положи гає го до горуцей води и так най вре 20 минути. Води ше нє шме додавац. По 20 минутох ше юху одцадзи, а месо ше хаснуе лем по допущеню лїкара.
Така ше юха препоручує хорим котри нє шму вельо єсц, а потребна им моцна пожива.

ГОВЕДЗИНОВА ЮШКА (за вецей особи)
Пол кили говедзинового меса положиц до гарчка зоз З литрами води, посолїц, положиц желєняву, цибулю або друга присмаки по смаку и шицко вариц 3 годзини на цихим огню. По жаданю, до танєра юшки положиц вайцо. Єден танєр юшки з вайцом ма: бильки 8 ґ, масци 7 ґ, угльово гидрати у шлїду.