МОЦНА ГОВЕДЗИНОВА ЮШКА
Порезац 125 ґр говедзинового меса, положиц до гарчка зоз жимну воду и вариц. Кед месо уж уварене, додац шольку обичней говедзиновей юшки и охабиц ище пол годзини най ше вари. Таку юшку прецадзиц през цадзидло. Єден танєр юшки з вайцом ма: бильчки 10 ґр, масци 7 ґр, угльово гидрати у шлїду.

МОЦНА КУРОВА ЮШКА
Вари ше на исти способ як и говедзинова юшка, лєм ше место говедзинового меса дода юшки єдно цале упечене курче. Єден танєр зоз 100 грамами курчецини ма: бильчки 23 ґр, масци 5 ґр и угльово гидрати у шлїду.

ЮШКА ЗОЗ ЖЕЛЄНЯВИ
Нарезац 100 ґр мархви, келераби, петрушкового лїсца, младей мауни, цибулї, парадичи и шицко пражиц зоз 15 ґрамами масци док нє почервенї. Потим наляц води, посолїц и вариц на цихим огню 2—3 годзини. Кед уварене, прецадзиц през шитко. Єден танєр юшки ма: бильчки 1—2 ґр, масци 12 ґр и угльово гидрати 2 ґрами.


Риби


ВАРЕНИ РИБИ
Ричну або озерску рибу, найлєпше худу, очисци ше, положи до врацей води, хтора посолена и поквашнєта, и вари тельо кельо єй погребне на моцним огню. Вислугує ше зоз колечками лимуну або даяку мачанку. За єдну особу (250 ґр риби) ма: бильчки 47 ґр, масци 10 ґр и угльово гидрати у шлїдзе.

ПРАЖЕНА РИБА
Морску або ричну рибу, очисцену од косцох и скори, порезац на фалати и оваляц до отрушинкох хлеба, пражиц у палачинкарнї з дакус масла (10—15 ґр) док добре нє почервенї