з обидвох бокох; на пражену рибу додац сок зоз лимуна и дакус порезаного петрушкового лїсца. Поскладай, до цеплей судзини. За єдну особу (250 ґр шуля) ма: бильчки 47 ґр, масци 10—15 ґр, угльови гидрати 1—2 ґр.


Меса


Диябетичаром ше препоручує худе месо. Сама приготовка вельо ше розликує од порядней, але треба патриц же би ше при готовеню трошело цо менєй масци (10 ґр на 100 грами меса) и муки, и обидва артикли треба ураховац при вираховйованю вкупней вредносци масци и угльових гидратох.

ВАРЕНА ГОВЕДЗИНА
По вареню юхи виварену говедзину вислуговац з мачанку зоз хрину, кислим млєком. За єдну особу (100 ґр) ма: бильчки 25 до 30 ґрами, масци 10 ґр и угльови гидрати у шлїдзе.

ГОВЕДЗИНОВ ЯЗИК
Вариц говедзинов язик у даскельо литрох сланей води и положиц желєняву (мархву, цибулю, целер и др.). Кед месо мегке, язик ше очисци и одреже нєпотребни часци (верх и пажерак). Вислугує ше зоз хрином або даяку мачанку. За єдну особу (200 ґр) ма: бильчки 35 ґрами, масци 30 ґр, угльово гидрати 2—4 ґрами.

БАРАНЧЕЦОВА ШУНКА
Баранчецову шунку (коло 1 кґ) посолїц и положиц до судзини з масцу (120 ґрами) же би ше пекла у рерни 1 годзину. Кед є упечена, порезац ю, преляц зоз соком и служиц. За єдну особу (250 ґр) ма: бильчки 50 ґр, масци 50 ґрами, угльово гидрати 1,5 ґрама.