ПОЖИВОВИ АРТИКЛИ


МУКА

Житарки барз важни поживови артикли прето же представяю главну поживу широких масох и прето же су єден з главних жридлох угльових гидратох у костираню. Крем того, у себе маю бильчки, минерални солї и витамини (у лупки и ключки). Зарно жита ше состої зоз лупки (отруби), ядра и ключки. У лупки ше находза витамини и солї. а у ядре найвекше количество крохмалю.
Житарки ше хаснуе у костираню зомлєти до муки. 3 вареньом у чечносци крохмаль жита пучнєє и прави студзенїнасту кашу. Од шицких житаркох кукурица ше найчежше претровюе, гоч ма вельку поживну вреднрец. Целулоза зоз цереалийох змоцнює черевову перисталтику и на тот способ углавним регулує пражнєнє черевох.
Мука ше достава зоз житаркох: жита, ярцу, ражу и кукурици. Зоз млєцом житаркох достава ше шицки файти муки з хторих ше миши хлеб, а хтори ше хаснує и за други потреби у кухнї.
Найлєпша млєта мука то тота хтора ноши назву ,,два нули". Тей муки єст два файти: оштра и мегка, а достава ше з векшим або дробнєйшим млєцом жита.
Мука покус жовкавей фарби. Кед ше зомелє по валалских поточних воденїцох, вона цалком чарней фарби, алє є барз здрава.
З муки ше миши хлєб хтори по своєй поживовей вредносци приходзи до шора найпоживнєйших артиклох.
И кукурицу ше тиж так мелє, та ше на тот способ достава кукурична мука зоз хторей ще миши кукурични хлеб и прави замешка, хтору мож єсц як окремтне єдло або место хлєба. Кед ше кукурицу на векше зомелє, вола ше "крупи" и дава ше статку у велїх крайох нашей жеми.
Кукуричну, як и житну муку нє треба тримац у вельких количествох у мехох, алє найлєпше мац древени лади. Док