МАЧАНКА 303 ЦЕЛЯЧИНИ
Целячину (100 ґрами) порезац на фалатки и попражиц з 10 ґрамами масци, потим доляц води и дакус билого вина и вариц док месо нє змегча. Теди доляц одприлики половку чечносци и предлужиц з вареньом док нє вивре нательо же зоз чечносци мож направиц мачанку. То ше прави на слїдующи способ: винє ше месо, а до преостатей чечносци положи ше два жовчки и миша на огню, алє так же би нє варло. До так справеней мачанки додац желєняву и скорей виняте месо и шицко вєдно положиц же би дакус побулькала. Єдна порция зоз мачанку ма: бильчки 30 ґрами, масци 13 ґрами и угльово гидрати у шлїду.

ПЕЧЕНЕ КУРЧЕ
Курче або вообще живинске месо пририхтує ше як за здравих людзох и послугує у власним соку комбиноване з допущену желєняву. Єдна порция од 300 ґрамох зоз косцами ма: бильчки 40 ґрами, масци 10—15 грами, угльово гидрати 1,5 грама.

 

Желєнява

 

Желєнява ше рихта на слїдующи способ: очисцену и умиту кладзе ше до шерпенї з масцу и пражи У власним соку єден час, а потим налєє з воду и вари на цихим огню, док нє омекша.
КРОМПЛЇ (як пире шалата)
Кромплї варени у сланей води очисциц а потим препасировац. Тому додац дакус юшки зоз меса, лимунового соку и олєю. Два полни обични ложки такей шалати маю: коло 12 ґрами угльових гидратох. У 100 ґрамох такей шалати єст: бильчки 2 ґрами, масци 5 ґрами и угльових гидратох 20 ґрами.